कुवेतबाट ३०० महिला कामदारलाई लिएर काठमाडौँ उडे २ जजिरा एयर

काठमाडौँ । कुवेतबाट ३०० नेपाली महिला कामदारलाई लिएर दुई वटा जजिरा एयरका विमान काठमाडौँ आउँदै छन् ।

कुवेतको स्थानीय समय अनुसार आज बिहान ४ बजे र दोस्रो विमान ६ बजे उडेका हुन् । दुवै विमानमा १५०/१५० जना महिला कामदार छन् ।

आज नेपाल आउँदै गरेका सबै नेपाली महिला आममाफी पाएर सेल्टरमा बस्दै आएका थिए । यसरी कुवेतमा आममाफी पाएर बसेका नेपालीको संख्या २ हजार ९ सय ९१ रहेको छ । उनीहरुमध्ये कुवेत सरकारले पहिलो प्राथमिकतामा रहेकाहरुलाई आज आफ्नै खर्चमा नेपाल ल्याइदिन लागेको हो ।

अब कुवेत सरकारले प्रत्येक दिन २ वटा जहाज मार्फत ३ सय जना आममाफी पाएका कामदार नेपाल फर्काउने तयारी रहेको कुवेतस्थित नेपाली राजदूतावासकी सूचना अधिकारी द्धितिय सचिव जानकी ओझाले डिसी नेपाललाई बताएकी छन् ।

कोरोना संक्रमण बढेपछि कुवेतले अवैध रुपमा रहँदै आएका आप्रवासीहरूलाई आममाफी दिई जरिवाना समेत मिनाहा गरिदिएको थियो।

आममाफी पाएकाहरुलाई कुवेत सरकारले आफ्नै खर्चमा स्वदेश फर्काइदिने व्यवस्था गरेको हो।

Leave a Reply

Your email address will not be published. Required fields are marked *