सबैभन्दा पिरो खानेले पनि खान नसक्ने यो खोर्सानी

नेपालमा हिमाल होस् चाहे पहाड वा तराई सबैतिर पिरो स्वादका पारखि भेटिन्छन् ।

अधिकाशं नेपालीलाई खानामा पिरो मन पर्छ । जिरे, डल्ले पिरोका लागी नाम चलेका खोर्सानी हुन् ।

तर यी खोर्सानीलाई समेत मात दिने एक खोर्सानीको प्रजाति छ, क्यारोलिना रिपर ।

क्यारोलिना रिपर खोर्सानी खान हतपत कसैले आटसम्म गर्दैनन् । यो खोर्सानीलाई विश्वको सबैभन्दा पिरो मानिन्छ ।

अमेरिकामा खेती हुने यस खोर्सानी गिनीज बुक अफ वल्र्ड रेकर्डमा समेत दर्ज छ ।

वैज्ञानिकका अनुसार आजसम्म यो खोर्सानी जति पिरो अरु खोर्सानी भेटिएको छैन ।

कुनैपनि खोर्सानीको पिरोपनालाई एसएचयू अर्थात स्कोवील हिट यूनिटमा मापन गरिन्छ ।

सन् २०१२ मा दक्षिणी कैरोलीनाको विनथ्रप यूनिवर्सिटीमा यस खोर्सानीको पिरोपनाको जाँच गरिएको थियो ।

जहाँ आम पिरो खोसार्नीमा एसएचयू ५ हजार पाइएकोमा यसमा १५ लाख ६९ हजार ३ सय पाइएको थियो ।

अर्थात यो खोसार्नी खान कसैले सक्दैनन् । सक्नेहरुमा निकै ठुलो हिम्मत चाहिन्छ । यो खोर्सानी खाएका मानिस अस्पतालमा भर्ना हुनु परेको रेकर्ड छ ।

क्यारोलिना गिनीज वल्र्ड रेकर्डमा दर्ज हुनु पूर्व भारतको भूत जोलकिया विश्वको सबैभन्दा पिरो खोर्सानी साबित भएको थियो । यो सामान्य खोर्सानीको तुलनामा २ सय गुणा पिरोह हुन्छ ।

Leave a Reply

Your email address will not be published. Required fields are marked *