शव पुर्ने ठाउँ नभएपछि पुराना कंकाल निकालिँदै

एजेन्सी- विश्वभर कोरोना संक्रमण हुने संख्या ७८ लाख ७२ हजार भन्दा बढी नाघिसकेको छ।

त्यसैगरी, मृत्यु हुनेको संख्या ४ लाख ३२ लाख नाघेको छ । त्यसैक्रममा संक्रमणको नयाँ केन्द्र बनिरहेको ब्राजिलमा शव गाड्ने ठाउँ नभएर पुराना कंकालहरुलाई खाल्डो खनेर निकाल्नु परेको छ ।

पछिल्लो समय ब्राजिलमा मृत्यु हुने संख्या बढेका कारण पुराना शवहरुलाई निकाल्नु परेको हो। ब्राजिलको साओ पाउलो शहरमा पुराना शव वा कंकाललाई झिकेर नयाँ शव गाड्नु परेको छ।

ब्राजिलमा यस्तो अपरम्परागत योजना चिहानघारी खाली गर्न गरिएको हो । पुराना कंकालहरुलाई निकालेर ठूला ठूला कन्टेनरमा भण्डारण गरिँदैछ। साउ पाउलो शहरका अधिकारीहरुका अनुसार उक्त पुराना कंकाललाई भण्डारण गरि १५ दिन भित्र देशका विभिन्न चियानघाटमा पुर्याइने छ।

कोरोनाका कारण एक करोड २० लाख जनसंख्या भएको ब्राजिलमा ४२ हजार सात सय ९१ जनाको ज्यान गइसकेको छ भने संक्रमित हुनेको संख्या ८ लाख ५० हजार ७९६ पुगेका छन् ।

जनताले सामाजिक दूरी पनि उल्लंघन गरेको कारण देशमा अझै धेरै संकट आउने ब्राजिलका स्वास्थ्य अधिकारीहरुले जनाएका छन्। वोर्ल्डोमिटरका तथ्यांक अनुसार ब्राजिल विश्वभर कोरोना प्रभावित मुलुकहरु मध्ये दोस्रो नम्बरमा छ। त्यसैगरी उक्त सुचीको पहिलो नम्बरमा संयुक्त राज्य अमेरिका रहेको छ।

Leave a Reply

Your email address will not be published. Required fields are marked *